Inscena 10 - Pim, Pam, Clown

Tomás Afán MuÑOz

• 30 september 2015
• 9788873568940

Samenvatting:

Est unu testu po unu pùblicu giòvunu, chi ponit in pro is mellus calidadis de is bufus: s’innotzèntzia, su tzarrosìmini, sa curiosidadi, su spantu… Comentzendi de custas calidadis, su testu tessit unu arrexonamentu a giru a giru de sa gherra chi, sèmpiri acumpangiau de spìritu e de unu tantixeddu de surrealismu, s’acotzat a s’assurdidadi manna chi s’agatat sèmpiri apalas de ita si bolit chi siat cèrtidu armau. Diaici, presentat personàgius paradossalis meda che: su bufu chi stimat aici meda is banderas chi iat a essi capassu de si morri no sceti po cussa cosa sua, ma fintzas po sa de su nemigu, o su generali bufu chi bolit cunvinci a duus bufixeddus pacifistas ca sa gherra est unu giogu spassiosu e giai po nudda perigulosu, mancai nci siat genti sbentiada chi andat e nci scudit asuba a is ballas, o genti tontatza chi andat e si ponit pròpiu pròpiu aundi nd’ant a arrui is bombas. Est a nai, unu catàlogu de cosas sene sentidu asuba de sa gherra chi, gràtzias a su spìritu, bolit intzidai a sa tolleràntzia e a ponni paxi po arresolvi is cèrtidus, cun su cunsolu chi serbit in custus tempus armaus chi fait a timi.